مدونات الفراعنة

بسم الله الرحمن الرحيم

اهلا وسهلا بيكم في اول موضوع في مدونتي الي هيا اول مدونة ليا وان شاء الله متكنش الاخيرة وان شاء الله تعجبكم, شوفوا يا جماعة المدونة بتعتي بوجه عام حتكون عن الاثار والحضارة المصرية حيث اني من كتر ما لفيت علي النت لعمل ابحاث خاصة بيا ايام دراستي لقيت عجز رهيب في المعلومات الصحيحة عن الاثار المصرية الي يقدر الباحث يستعين بيها في عمل الابحاث والتقارير عن الاثار المصرية لكن بردوا المدونة حيكون فيها خمسة كلام عن مصر بتاعة الحاضر يعني مش كله ماضي ماضي عشان ميقلوش علينا سايبين الحاضر ومعلقين في الماضي وبرضوا حيكون في حبة تفكير في مستقبلنا والي حيكون والي حيحصل والي نفسنا نحققه ان شاء الله وغير كل ده حيكون في برامج وحلول لحجات في الكمبيوتر بس انتوا ادعولنا

ابراهيم مصطفي ابراهيم

عاشق مجنون يكتب للنور

اهلا اهلا اهلا

وحشتوني يا جبايبي يا حلوين

يا اغلي الغالين

عاملين ايه؟

طبعا تمام الحمد لله

حبيت النهارده اخرف معاكم تخريفة جديدة

بس للاسف هي حقيقية وممكنة

التخريفة دي مقتبسة من اتنين

اولا

صفحة المدونات بجريدة الدستور

عدد الاربعاء من كل اسبوع

ثانيا

من مدونة صديقي العزيز موتوس عنخ امون

ومن مود المسابقات الي هو عامله

بس الفرق المره دي ان المسابقة بتعتنا كئيبة وحزينة شوية, المسابقة بتقول:-

لو دخلت مدونة صاحبها مات حتسيب تعليق تقله فيه ايه؟

علي فكرة الموضوع ده حصل بجد والله العظيم

اتمني التوفيق للجميع

سلام

العشق علم عيوني الغنا وعنيكي علموني الفرح

والقلب داب ويا حبك هنا قلبي انا الي كان انجرح

علمتي قلبي ازاي يعيش ينسي الي راح وميبكيش

دا انا حتي غير هواكي مليش وفي هواكي عمري دا ميكفيش

يوم فضائي

صباحوا او مسائوا بيزقزق يا عم يالي بتقرأ في تخاريف الكائن الفضائي الي هو انا... مستغرب ليه يا عم ورفعلنا حواجبك كده كأني قولتلك انا عفريت ... اه يا ابني او يا بنتي انا كائن فضائي مش شرط تكون مولود كدة او تكون عارف من البداية انك كائن فضائى عشان تكون كائن فضائي, وعلي فكرة انا شكلي مش مقرف قوي زي الكأنات الفضائية بتاعة الافلام انا اشبه كده الكائنات المقرفة الي بتصحي من النوم تغسل وشها بمية وصابون (تخيل, مية وصابون ايه القرف ده علي الصبح) وتنزل من سكنتها الفضائية عشان تدور علي اي اتوبيس او ميكروباص فضائي تتحشر فيه مع زملائها من الكائنات الفضائية وتدفع نصف جنيه فضائي وتستني السواق يبعتلها 15 قرش فضائي عشان الاجرة اصلا 35 قرش فضائي بس للاسف ال 15 قرش فضائي دول ما بيرجعوش عشان تقريبا الكأنات الفضائية التانية معندهاش فكة فضائية او ممكن تقول زمة فضائية ولان المحطة الفضائية الي حينزل فيها الكائن الفضائي الي هو انا جت ومفيش وقت اتفاهم فيه مع الركاب الفضائيين المحشورين معيا في المواصلة الفضائية علي الكام قرش الفضائي دول واشرح ليهم الادلة التاريخية والقرائن التي تدل علي ان ال 15 قرش فضائي دول من حقي واقدم دفاعي الفضائي (علي فكرة عشان متقولش عليا بخيل المشكلة مش في الكام قرش فضائي دول بس المشكلة ان الموضوع ده بيتكرر معاك في كل مشوار فضائي تروحه يعني اكتر من ثلاث مرات في

امتي الاقي الي بحلم بيها ولا شكلها مش ناوية تظهر وحتفضل مستخبية كده علي طول علي فكرة الحب ده حاجة غريبة جدا طول ما هو في ايدينا بنبقي حاسين بعدم الرضا الكامل لان احنا علي طول عايزين اكتر واحيانا وهو في ايدينا بنحس بالملل واحيانا بنحس بعدم الاقتناع مع ان هو ده الي كنا بنحلم بيه, والاغرب بقي انه رغم كل الاحاسيس دي الا اننا لما نكون عايشين بعيد عن الحب بيبقي نفسنا في وماشين ندور عليه لدرجة اننا كتير بننجرح , يا تري هو ده الحب ولا انا كل ده لسة معرفنهوش ومجربتهوش علي العموم لو في فرصة اني اجربة فيا ريت يكون بجد اه ه ه ه ه ه ه بس انا خايف

لو حد عايز يا ريت يقولي

للحجز والاستعلام

imam_4ever@yahoo.com

imam_forever@hotmail.com

الليل والبحر والنجوم, سؤال حيران بينادي عليا كل يوم. مين ابتدي بالعشق, مين الي نشر الداء؟ ولا ده اصله نداء؟ ولا يكونش دواء, يشفي قلوبنا بداء. صدق الي قال في كام موال, العشق داء ودواء...

رد عليا لو كنت سامعني, انت حبيبي ولا انت كارهني؟

حبتني؟... اه قول انك حبتني, متخبيش وترجع تقولي يا رتني.

رد عليا سمعني صوتك سمعني اقلبك او حتي سكوتك

رد عليا قولي, استني ولا امشي او قولي متحلمشي

اقلك, قولي ما تحلمشي عشان ما اندمشي وارجع واغني, الحلم منفعشي...الحلم منفعش

رد عليا وقولي الجرح اخرته ايه؟, والحلم راح يعمل ايه؟

عايش لوحدك

عايش لوحدك وقلبك مات من الغربة

عايش لوحدك تجر الدمعة بالدمعة

عايش بتحلم بابتسامة في يوم

عايش وحلمك تنسي كل جروح

عايش لوحدك

عايش لوحدك ومستني ولو فرحة

عايش وفاكر ان الي جاي احلي

عايش تدور علي اي قلب وحيد

امحي كل الذكريات

جايلي تاني تقول يا ريت بعد ما عليك بكيت

أسأل ضميرك ليه صحيت بعد ما فات الاوان

كل الاماني والي راح كل العذاب من بعده راح

جاي عشان يجرحني تاني لا ده مش ممكن ... نسيت

نسيت عذابي والي كان كل الي كان بينا زمان

ده نت خنت وسبت قلبي تايه ومكسور الجناح

اوعي تقولي انا حبيتك انا قلبي كان دارك وبيتك

لا ارجوك ماتكذبشي انسي الي كان وانسي الي راح

سعات وانا ماشي في الشارع اقف افكر فيها

يا تري وانا ماشي حلقيها ... ولا اخش اي محل يمكن اعتر عليها

طب امشي طوالي ولا اخش الزقاق

ولا اعمل اني بقرا في الاورق

طيب لو ركنت هنا حتعدي ولا حفضل مستني

والعمر يضيع مني

لا انا حفضل مستني

ولا لأ يمكن تكون هناك ع البحر مستنياك

ولا هنا في استنلي وحتيجي تقعد