امحي كل الذكريات
جايلي تاني تقول يا ريت بعد ما عليك بكيت
أسأل ضميرك ليه صحيت بعد ما فات الاوان
كل الاماني والي راح كل العذاب من بعده راح
جاي عشان يجرحني تاني لا ده مش ممكن ... نسيت
نسيت عذابي والي كان كل الي كان بينا زمان
ده نت خنت وسبت قلبي تايه ومكسور الجناح
اوعي تقولي انا حبيتك انا قلبي كان دارك وبيتك
لا ارجوك ماتكذبشي انسي الي كان وانسي الي راح
اوعي في يوم يا قلبي تبكي علي شئ كان بينا مات
انت الي تعرف امتي تنسي امتي تمحي الذكريات
امحي كل الذكريات
كتبها مدون مقهور ينتظر النور في 05:06 مساءً ::
4 تعليقات
في22,كانون الأول,2007 - 06:17 مساءً, شيكامارا كتبها ...
بجد ياهيما انت اللي كاتب الكلام ده ولا فنان مجهول
اصلي بصراحة مش بثق فيك خالص....بااااااااااااااي
في25,كانون الأول,2007 - 09:30 مساءً, عاشق مجنون يكتب للنور كتبها ...
والله يا شيكامارا الي تشوفيه
بس الصراحة اني انا الي كاتبها
ولا انت شايفة ان الي كاتبها فنان مجهول احب اقول لك انك غلطانة
لاني معتقدش اني وصلت للدرجة الي يتقال فيها اني فنان من اصله
بس علي العموم شكرا
الغريب اني خليتك تقري معظم الحجات دي من قبل حتي ما اعمل مدونة
امضاء
هيما مفتش الاثار (الفنان المجهول علي رأي شيكامارا)
في31,كانون الأول,2007 - 04:43 مساءً, marinela_roaa كتبها ...
على فكره ياابراهيم القصيده جميله اوى وبكره ياسيدى باذن الله مش هتبقى فنان مجهول لا فنان مشهور . بس ايه نبرة التشائم اللى تقريبا فى كل حاجه بتكتبها
في01,كانون الثاني,2008 - 07:54 مساءً, عاشق مجنون يكتب للنور كتبها ...
بجد يا مرنيلا ربنا يخليكي ليا ويسمع من بقك ربنا بس يا تري حينفع ابقي فنان مشهور
طيب والاثار
وبعدين يا مرنيلا متسألنيش انا ليه حزين لاني بقالي كده فترة ومعرفش انا حزين ليه
غير كده يا مرنيلا يا عزيزتي ما انت احيانا بتبقي حزينة من غير سبب
تقدري تعرفي ليه؟
امضاء
هيما مفتش الاثار
